luns, 26 de febreiro de 2018
venres, 23 de febreiro de 2018
Día de Rosalía
Hoxe pola mañá o CEIP de Ponte
Sampaio festexou o acto de conmemoración do Día de Rosalía. Levamos xa uns anos
celebrando este acto no colexio, pero era a primeira vez que acudían representantes de pais e nais para facer unha
lectura en familia para toda a comunidade dunha pequena selección de poemas de
Rosalía de Castro.
De tal xeito, representantes do
alumnado xunto con algún dos seus proxenitores e representantes do profesorado
leron poemas de Rosalía e cantaron Adiós ríos, adiós fontes a ritmo de
pandereitada.
Con esta pequena conmemoración
pretendemos render a nosa máis sincera homenaxe a Rosalía de Castro, unha escritora e poeta galega,
considerada a máis ilustre figura da lírica moderna e unha das máis altas
da poesía española do século XIX e a principal responsable do Rexurdimento, xunto a Eduardo Pondal e Manuel
Curros Enríquez. A valoración da obra rosaliana e a mitificación da escritora producíronse
despois do seu falecemento, posto que ao longo da súa vida esta foi
permanentemente menosprezada e marxinada e foi necesario agardar ata o século
XX para que recoñecesen en Rosalía a unha creadora e hoxe en día está
considerada a escritora galega máis universal.
Actos como o noso supoñemos que
se levaron a cabo en moitos centros educativos de Galicia e mañá levaranse a
cabo en entidades, asociacións… co fin de abrirlle a fiestra a Rosalía de
Castro, xa que como di María Reimondez nun
mundo de fiestras pechadas, buscamos o refacho de vento que as abra de vez. Nun
mundo que busca facer as comunidades e as persoas máis pequenas, os cartos e a
cobiza máis grandes, precisamos forza e profundidade, emoción e pensamento.
Ademais para o 24 de febreiro, fixado no Calendario do Libro e da Lectura como
aniversario do nacemento de Rosalía de Castro, a Asociación de Escritores en
Lingua Galega propón desde 2010 á cidadanía que agasalle un libro en
galego e unha flor e nós sumámonos a esta iniciativa, agasallándo cunha
pequena flor e un poema de Rosalía ao nosos lectores. E despois o alumnado de
infantil tamén levou para casa unha flor e un poema de agasallo para eles e as
súas familias.
Nesta actividade participou toda
a comunidade educativa e foi moi gratificante e enriquecedor para todos.
mércores, 21 de febreiro de 2018
Día Internacional da Lingua Materna
O noso alumnado celebrou hoxe o Día Internacional da Lingua Materna coa colaboración do Servizo de Normalización Lingüística do Concello de Pontevedra e coa participación do colectivo de Polo Correo do Vento.
Hoxe pola mañá o CEIP de Ponte Sampaio festexou o Día Internacional da Lingua Materna; para tal fin estivemos falando no centro educativo de en que consiste e cal é a causa de conmemorar esta data con todo o alumnado, tamén oímos cancións que versan sobre a importancia do uso e mantemento da lingua materna de cada quen, no noso caso do galego como lingua propia e fixémoslle un oco nos nosos blogs do colexio.
Ademais disto o alumnado dos cursos inferiores gozou coa visita de Polo Correo do Vento, sufragada polo Servizo de Normalización Lingüística do Concello de Pontevedra, que nos realizou un obradoiro titulado "Mario pensaba que o galego non servía para nada", no que os rapaces e rapazas escoitaron a historia de Mario contada por un dos autores, mentres o ilustrador realiza un mural vinculado ao conto. Despois comezou una rolda de prensa guiada polos autores, na que os rapaces e ra pazas interaccionaron co conto e co debuxo de xeito que se traballou a comprensión e expresión oral das nenas e dos nenos. Para rematar, nun obradoiro de ilustración, todos xuntos, onde debuxaron cadanseu retrato de Mario, o protagonista do conto.
O Día Internacional da Lingua Materna conmemorase cada ano o 21 de febrero dende que foi proclamado como tal pola UNESCO noo 1999 co obxectivo de impulsar o coñecemento e a práctica das linguas maternas en todo o mundo e, en especial, as das minoritarias. Así pois conmemoramos neste día a riqueza que supón a diversidade lingüística do planeta con programas e actividades destinadas a preservar esta diversidade e promover o plurilingüismo e no noso caso particular incentivar tamén o uso da lingua galega e promovendo a transmisión familiar da nosa lingua.
Hoxe pola mañá o CEIP de Ponte Sampaio festexou o Día Internacional da Lingua Materna; para tal fin estivemos falando no centro educativo de en que consiste e cal é a causa de conmemorar esta data con todo o alumnado, tamén oímos cancións que versan sobre a importancia do uso e mantemento da lingua materna de cada quen, no noso caso do galego como lingua propia e fixémoslle un oco nos nosos blogs do colexio.
Ademais disto o alumnado dos cursos inferiores gozou coa visita de Polo Correo do Vento, sufragada polo Servizo de Normalización Lingüística do Concello de Pontevedra, que nos realizou un obradoiro titulado "Mario pensaba que o galego non servía para nada", no que os rapaces e rapazas escoitaron a historia de Mario contada por un dos autores, mentres o ilustrador realiza un mural vinculado ao conto. Despois comezou una rolda de prensa guiada polos autores, na que os rapaces e ra pazas interaccionaron co conto e co debuxo de xeito que se traballou a comprensión e expresión oral das nenas e dos nenos. Para rematar, nun obradoiro de ilustración, todos xuntos, onde debuxaron cadanseu retrato de Mario, o protagonista do conto.
O Día Internacional da Lingua Materna conmemorase cada ano o 21 de febrero dende que foi proclamado como tal pola UNESCO noo 1999 co obxectivo de impulsar o coñecemento e a práctica das linguas maternas en todo o mundo e, en especial, as das minoritarias. Así pois conmemoramos neste día a riqueza que supón a diversidade lingüística do planeta con programas e actividades destinadas a preservar esta diversidade e promover o plurilingüismo e no noso caso particular incentivar tamén o uso da lingua galega e promovendo a transmisión familiar da nosa lingua.
Subscribirse a:
Publicacións (Atom)