Con este lema
damos comezo ó noso proxecto de centro para o curso 2018/2019, que vai
dedicado ao Camiño de Santiago portugués.
O pasado martes 16 de outubro, alumnado e mestres do CEIP Ponte Sampaio iniciamos o noso proxecto facendo un tramo do Camiño que pasa pola nosa localidade.
O pasado martes 16 de outubro, alumnado e mestres do CEIP Ponte Sampaio iniciamos o noso proxecto facendo un tramo do Camiño que pasa pola nosa localidade.
Saímos ás dez da
mañá e volvemos preto das dúas da tarde. Na nosa andaina fomos seguindo as indicacións e sinais que
seguen os peregrinos, algunhas delas estaban nas rochas ou nas árbores...
Tamén observamos a fermosa paisaxe pola que
pasa o camiño, a ponte romana e algúns “monumentos feitos polos peregrinos”.
Chegamos ata unha “Parada no Camiño” no lugar de Cacheiro,
alí vendían froita e auga para os peregrinos, ademais é o lugar onde coloca os selos nas credenciais dos peregrinos. A nós estampáranolas
nas mans e nos brazos.
A nosa andaina foi tan importante que incluso saímos
nos periódicos. A continuación quédanvos os enlaces para que poidades visitar
as noticias.
Seguiremos
informando, estade atentas e atentos!
Un saúdo dende o EDLG!
