Magosto 2018

Por fin chegou o magosto unha das festas máis esperadas ! Aínda que este ano o magosto no  cole veu con novidades ! Nesta ocasión contamos coa colaboración das familias para facer os xogos populares  mentres agardábamos polas ricas castañas asadas!

Os xogos populares comezaron á hora do recreo, libremente o alumnado foi rotando polos diferentes xogos. En cada un dos postos había familiares que realizaban xogos tradicionais e lle explicaban como xogar.

Tivemos carreiras de sacos

Xogos con carozos

A billarda

Os zancos

A mariola

As chapas

O Aro

Tamén xogamos ás “canicas”, coa goma e ó marro.

Despois de tanto xogar, estábamos preparados para tomar e saborear as castañas asadas, cada unha das clases elaborou recipientes do máis orixinais para recoller as castañas.

Por último, cando as cinzas e o carbón estaban fríos,  “enfarruscámonos”  as caras e as mans, moi poucos se salvaron! Ata as mestras e mestres remataron “enfarruscados”!

Xornadas Micolóxicas

O pasado martes 13  de novembro o alumnado de 6º de infantil e 1º de primaria,  recibimos a visitade Jaime  da Asociación Brincabois, uns expertos en cogomelos, que nos viñeron a ensinar as partes do cogomelo, os tipos, os nomes, as historias dos nomes...e moitas cousas mais!

Despois de facernos unha pequena introdución do mundo dos cogomelos, fomos polos arredores en busca de novas especies co noso ax. Ao principio custounos un pouco atopalos, pero pouco a pouco observamos que os cogomelos crecían en certas zonas, e moitas veces a carón das árbores....                así que pronto comezaron a aparecer unha chea deles!.

Na nosa aventura micolóxica chegamos ata a Illa do medal, alí atopamos novas especies de cogomelos e tamén champiñóns! As nosas cestas estaban cheas, o experto díxonos que o tempo e o clima era ideal e por iso atopamos tantos cogomelos!

Ao volver ao cole e coa axuda do noso experto elaboramos unha exposición onde se mostraban todas as especies recollidas cos seus nomes e  o seu valor culinario.

O obradoiro impartido pola asociación Brincabois en colaboración co Servizo de Normalización Lingüística foi todo un éxito!

A continuación deixámosvos un enlace do xornal PontevedraViva que tamén recolleu a nosa saída e un pequeno vídeo sobre a nosa aventura.

https://s27.aconvert.com/convert/p3r68-cdx67/ll32g-3w4hh.mp4

https://pontevedraviva.com/xeral/50162/ninos-colegio-ponte-sampaio-salen-recoger-setas/

Samaín!

Boas a todas e todos! Aquí estamos de novo para contarvos como foi a festa do Samaín no noso cole.

Ó longo de toda a semana realizamos diferentes actividades nas aulas: cancións, conxuros, contos, talleres de tallado de cabazas coas familias de Educación Infantil...

Tamén realizamos obradoiros nos que participou o alumnado de todo infantil e 1º 2º e 3º de primaria. En grupos, formados por nenas e nenos de diferentes cursos, fixemos os seguintes talleres:

De artesanía terrorífica, onde se  elaboraron momias.

De conxuros maléficos...

De cociña nos que o alumnado  elaborou galletas espantosas...

Unha xincana de xogos fantasmagóricos...

De maquillaxe de terror...

De contos de medo...

O día grande da festa, o 31 de outubro,  todo o cole se disfrazou para acudir á gran festa do Samaín, pero antes da festa tocou cociñar un pouquiño elaborando en cada unha das aulas os seguintes pratos terroríficos:

Mandarinas maléficas, plátanos pantasma e galletas que se converteron en temibles arañas.

Despois do recreo, chegaba o momento decisivo do Samaín, cruzar  o túnel do terror...

 As nenas e nenos do cole foron moi valentes e decididos, aínda que algúns pasaron un pouquiño de medo.

Por último algúns cursos realizaron actuacións para amenizar a nosa festa de Samaín.